Siglir tar il cuntegn
cuntegn

Svizra Svizzers cumpran pli gugent lur regals en l'exteriur

Per cumprar regals da Nadal charreschan adina dapli Svizras e Svizzers sur cunfin. Avant trais onns eran quai 44% da las persunas, ussa èn quai 54%. En media vegn dà ora 349 francs (324 euros) per ils regals da Nadal.

Um che porta in regal da Nadal.
Legenda: 54% dals Svizzers cumpran lur regals da Nadal sur cunfin. Keystone

Quai resorta d'in studi da l'universitad da Son Gagl. Oravant tut glieud giuvna va gugent sur cunfin a far cumpras. 60% da las Svizras e dals Svizzers tranter 16 e 24 onns cumpran lur regals en l'exteriur e tar persunas sur 65 onns èn quai be anc 40%.

En Svizra ed en Austria è il turissem da cumpra pli u main medem en il trend: 54% dals Austriacs e dals Svizzers cumpran lur regals en l'exertiur. Tar ils Tudestgs èn quai be 31%.

Ils perscrutaders han dumandà 3'000 persunas en l'Austria, la Germania e la Svizra quant ch'els vulan dar ora per regals e nua ch'els cumpran en il pli gugent.

RR novitads 14:00