Siglir tar il cuntegn
Inhalt

Svizra Svizzers a l'exteriur na survegnan naginas info's da banca

Svizras e Svizzers en l'exteriur na duain er vinavant betg survegnir infurmaziuns da bancas en Svizra entras la Confederaziun. Il Cussegl naziunal ha refusà ina moziun che leva che burgais svizzers che vivan en auters pajais possian tegnair si dretg las relaziuns da banca en Svizra.

vista sin il Paradeplatz a Turitg, a sanestra la banca UBS, a dretga la banca CS
Legenda: Las bancas grondas UBS e CS èn sa dustadas cun success cunter ina purschida per Svizzers a l'exteriur. Keystone

Dapi il 2008 refusan adina dapli bancas svizras d'acceptar Svizzers e Svizras a l'exteriur sco clients pervia dals novs standards internaziunals. Il Cussegl dals chantuns ha vulì obligar las bancas relevantas al sistem d'offrir als Svizzers a l'exteriur in conto da banca cun cundiziuns acceptablas. Il Cussegl naziunal refusa dentant quai. Las bancas sajan sa dustadas vehementamain cunter questa prescripziun.

Il minister da l'exteriur Ignazio Cassis ha remartgà ch'i na saja betg l'obligaziun da la Confederaziun d'infurmar clients da banca. Cunquai è la moziun giu da maisa.

RR novitads 12:00