Svizzer accusà pervi da spiunascha

En la Germania ha la procura publica federala accusà in burgais svizzer pervi da spiunascha. La polizia tudestga aveva arrestà l'um la fin d'avrigl a Frankfurt, el è en arrest d’inquisiziun.

Bandierettas da la Germania e da la Svizra

Legenda da maletgs: L'um accusà duai avair lavurà pli che tschintg onns en la Germania per in servetsch secret svizzer. Keystone

Per incumbensa dal servetsch secret svizzer duai l’um avair spiunà ora l'administraziun da finanzas dal Nordrhein-Westfalen, ed intgins da ses collavuraturs, communitgeschan las autoritads tudestgas.

Il Svizzer vegn suspectà d'esser stà activ per in servetsch secret svizzer almain dal 2011 fin il 2015. Tranter auter duai el avair survegnì l'incumbensa da chattar ora, co che las autoritads da taglia tudestgas cumpran discs cun datas da taglia.

RR novitads 15:00