En tut paisan bun 2,3% dals umens e 5% da las dunnas memia bler ni ferm memia bler. Per l'emprima giada po vegnir constatà in trend per ils ultims 40 onns. Uschia scrivan ils experts che l'onn pudessan 18% dals umens e 21 % da las dunnas avair in surpais. Il pais da la populaziun mundiala è creschì en media per 6,5 kilos. Quai mussan ils resultats dal studi da bun 700 scienziads ch'han publitgà il studi en la gasetta scientifica «The Lancet». En Svizra saja il svilup però stà pli plaun, scriva l'universitad da Turitg. En ils Stadis Unids dentant vivan las bleras persunas cun surpais.
Sutpais resta dentant era in problem
Cunzunt en l'Africa Centrala e l'Africa dal Ost resta il sutpais in grond problem. Ed er en l'India ed en il Bangladesch ha bunamain in quart da tuts umens creschids e da las dunnas creschidas sutpaisa.
RR novitads 06:00