Avant 45 onns muriva la mesadad dals umens cun 70 onns, las dunnas cun 75. Quai communitgescha l'Uffizi federal per statistica. Il 2014 èn malsognas da la circulaziun, cancer e demenza stadas las raschuns las pli frequentas per la mort. Per l'emprima giada èn ils mortoris pervi da demenza dentant tschessads in zic. Persuenter è il dumber da mortoris entras suicidis assistids creschì.
Tut en tut èn 63'938 persunas mortas l'onn 2014 en Svizra. Quai èn 1'000 pli pauc che l'onn avant. Il 2014 èn er mortas damain persunas giuvnas, tranter 1 e 19 onns. Tar quella sparta ha i dà 8% damain mortoris che l'onn avant. En cifras èn quai 188 uffants e giuvenils che han pers la vita il 2014.
RR novitads 14:00