Svizras e Svizzers na midan strusch il budget 2016

Las Svizras ed ils Svizzers na midan strusch insatge vid lur budget da fin qua per l'onn nov. Dentant vulan cunzunt pli giuvens dar or dapli per vacanzas, temp liber e cultura e damain per cassas da malsauns, telefon ed auto.

daners en la bursa

Legenda da maletgs: Pli giuvnas che las persunas èn, e dapli ch'ellas vulan impunder per vacanzas, temp liber e cultura. Keystone

Quai tenor ina retschertga dal servetsch da cumparegliaziun Comparis. Radund in terz da las bunamain 1'300 persunas dumandadas han inditgà da vulair spargnar tar las premias da la cassa da malsauns, però era cun telefonar, en l'internet e per l'auto.

Differenzas tranter vegliadetgnas e regiuns

Da la retschertga resulta che pli vegls ch'ils dumandads èn, e pli fitg ch'els vulan impunder tuttina bler sco l'onn passà en tut las categorias d'expensas. Differenzas datti però era en las regiuns: En la Svizra taliana vul'ins spargnar surtut en il temp liber e betg pli ir a mangiar en l'ustaria (22%), entant che la Svizra tudestga (14%) e franzosa (14%) spargnan plitost en auters lieus.

RTR novitads 14:00