Tenor Max Meili, il directur da la fundaziun emblida la glieud quests daners, cura ch'ella mida plazza, ubain cura ch'ella interrumpa la lavur. Lura ston ils lavurants numnadamain sez daventar activs ed incumbensar la cassa da pensiun da transferir ils daners a la cassa da pensiun da la nova plazza.
Sch'il lavurant na fa betg quai arrivan ils daners il pli tard 2 onns suenter tar la fundaziun responsabla e spezialisada d'administrar quests daners. Questa tschertga il collavuratur pertutgà. Sche quest haja però era midà l'adressa, lura vegnia quai difficil d'al chattar. Quai uschè ditg fin che las persunas pertutgadas s'annunzian.
Actualmain èn 2,97 milliardas francs sin 632'000 contos tar la fundaziun. La facultad sin quests contos po variar dad entgins raps fin tar plirs tschients millis francs. En media sa chattan 4'700 francs sin mintga conto.
RR novitads 20:00