Svizra - Svizra vul prender si 3’000 fugitivs sirians
En vista a la crisa da fugitivs vulan ils dus Cussegliers federals Didier Burkhalter e Simonetta Sommaruga metter in segn. Quai cun prender si aifer il proxim onn e mez fin 3’000 fugitivs sirians.
Sco quai che la «Schweiz am Sonntag» rapporta sa referind sin circuls da la regenza, veglian ils cussegliers federals er sa participar al mecanissem da l'UE da reparter fugitivs aifer il territori da Schengen.
Per la Svizra muntass quai ch'ella stuess prender si radund 3% dals fugitivs en l'Europa. Dapi il cumenzament da la guerra civila en la Siria han gia 9’000 sirians survegnì asil en Svizra.
