Siglir tar il cuntegn

Svizra Svizra - UE: Sindicats smanatschan cun referendum

Ils sindicats svizzers vulan ina protecziun da las pajas en la cunvegna da basa cun l’Uniun europeica,uschiglio na sustegnan els betg ina cunvegna da basa cun l'UE. Ils sindicats han reagi ensemen en ina conferenza da medias sin la decleraziun dad Ignazio Cassis pertutgond las mesiras flancantas.

purtret da Ignazio Cassis
Legenda: Il mument morda Ignazio Cassis sin granit cun sias ideas davart ina cunvegna cun l'UE. Keystone

Cassis aveva annunzià l’entschatta da quell’emna che la Svizra e l’UE duain ir novas vias da collavuraziun. Travail Suisse ed ils sindicats da l’Unia e Syna han declarà ch’els na vegnian betg ad acceptar ina midada da las mesiras flancantas e smanatschan cun in referendum.

Dapi radund 10 onns crititgescha l'UE las mesiras flancantas da la Svizra per proteger il martgà da lavur. Ella pretenda perquai che la Svizra vegnia encunter.

RR novitads 15:00