Ils ministers da finanzas da l’UE han decidì a Brüssel duas glistas cun oasas da taglia. Ina glista naira ed ina grischa. Sin la grischa è nunspetgadamain era la Svizra. Stadis ch’èn sin questa glista – la uschè numnada «watch-list» u glista grischa - han dà pled a l'Uniun europeica da vulair far midadas en lur praticas da taglia.
17 stadis sin glista naira
Ils stadis sin la glista naira na fan ord vista da l'UE memia pauc per cumbatter la fugia da taglia. Sin questa glista èn tranter auter la Corea dal sid, la Tunesia u il Panama. L’Uniun europeica lavura gia dapi l'avrigl 2016 vid la glista naira. Quai suenter ch’ils «Panama Papers» avevan discuvrì praticas da guntgir la taglia.
RR novitads 16:00