Suenter il na dal pievel svizzer a la lescha da CO2 vul la ministra da l’ambient – Simonetta Sommaruga – guardar enavant e tschertgar autras vias, co la Svizra po cuntanscher las finamiras da clima. Quai ha ella ditg en la «Samstagsrundschau» da radio SRF.
I è curt avant las 12. La situaziun è propi seriusa.
La midada dal clima saja in fatg e i saja era in fatg che la Svizra stoppia far sia part per cumbatter quella. I saja probablamain stà la via sbagliada da preschentar uschè in grond project sco la lescha da CO2, uschia Sommaruga vinavant.