Siglir tar il cuntegn

Header

cuntegn

Svizra Svizra turissem vul carmalar velos e bikes

Anc hai naiv sin ils pass grischuns. En il decurs da l'avrigl vegnan els lura averts, ed èn pronts per il turissem da stad. Sch'i va tenor Svizra turissem, surtut per il turissem da velo.

Adina dapli Svizras e Svizzers – però era ils giasts da l'exteriur duain scuvrir la Svizra sin la sella dal velo. Nagin misteri, tenor il directur da Svizra turissem Martin Nydegger. La Svizra cun sias differentas regiuns e topografias saja la destinaziun perfetga per vacanzas da velo.

audio
Mezdi: Velo – Campagna da stad da Svizra Turissem
ord Actualitad dals 12.04.2018.
laschar ir. Durada: 3 minutas 2 Secundas.

Surtut regiuns alpinas profiteschian dal boom da velo

Era l'infrastructura mussia quai: Ina rait da rutas da velo da passa 35’000 km. Quai cun turas sper flums, cun il velo da cursa sur ils numerus pass ubain cun il mountainbike da la muntogna giuadora. Tenor ina retschertga da Svizra turissem va mintga 5avel giast da stad en Svizra cun velo – pia radund 1,5 milliuns. Da quest «boom» profiteschian cunzunt las regiuns alpinas, di Martin Nydegger. Radund 66% da tut las excursiuns cun velo sajan en las regiuns alpinas.

Grischun vacanzas vul attrair mountainbikers

Era per Grischun vacanzas è ir cun velo trumf. Cun la nova campagna sa concentreschan els però sin il mountainbike.

RR actualitad 11:00

Artitgels legids il pli savens