Svizra stuess plantar dapli pigns

Il stgaudament dal clima e la sitgira creschenta pon metter sut squitsch las plantas da guaud en Svizra. Quai resulta d'in studi da l'institut federal per la perscrutaziun da guaud, naiv e cuntrada WSL.

Guaud da pigns.

Legenda da maletgs: Il pign tutga tar las pli impurtantas plantas dal guaud en Svizra. Keystone

El ha perscrutà co che las trais pli impurtantas plantas en Svizra, il pign, l’aviez ed il fau reageschan sin il stgaudament dal clima. L'examinaziun mussa ch'il pign vegn fitg sut squitsch perquai ch'el s'adattescha al clima. In zic meglier vai cun il fau che s'adattescha damain. Il pli resistent a la midada dal clima è l'aviez che na s'adatteschia quasi betg.

Per lur prognosas sa basan ils perscrutaders sin experiments e scenaris dal clima. Il studi è la pli impurtanta basa per la pratica forestala en Svizra.

RR novitads 11:00