Quai che vala per l'urs duai era valair per il luf: Sche l'animal fa problems duai el vegnir sajettà. Duri Campell ha perquai dumandà il Cussegl federal sch'i saja previs la taxaziun «luf da problem» en la revisiun da la lescha federala da chatscha.
En sia resposta fa la cussegliera federala Doris Leuthard federal attent ch'i saja gia ozendi pussaivel da sajetter in luf - sut tschertas circumstanzas. E cun la revisiun da la lescha da chatscha vegnia la protecziun dal luf uschè u uschia sluccada - quai pretendia la moziun dal cusseglier dals chantuns Stefan Engler.
Jau avess spetgà ch'il Cussegl federal piglia posiziun davart il "luf da problem"
Il politicher da S-chanf è sa mussà in zic trumpà da la resposta dal Cussegl federal. Tant pli veglia el guardar co che la revisiun da la lescha federala da chatscha vegnia realisada. Probabel po il parlament tractar anc quest onn la revisiun.
RR actualitad 07.00