Siglir tar il cuntegn

Header

cuntegn

Svizra Svizra resta per il mument sin glista grischa da la UE

Prender la Svizra giu da la glista grischa per oasas da taglia pudess s'entardar. Oriundamain eri en discussiun che quai capitia l'october. I n'ha però anc dà nagina decisiun en chaussa, uschia ch'i pudess uss vegnir l'entschatta 2020 fin che la Svizra vegn stritgada da la glista grischa.

Suenter che la Svizra ha approvà il matg passà la nova refurma da taglia, avess l'Uniun europeica gì da stritgar noss pajais da la glista grischa per oasas da taglia. Quai na stat dentant betg sin l'agenda durant l'inscunter dals ministers da finanzas da l'UE da damaun venderdi. La Svizra ha numnadamain bain decidì che la lescha vegnia midada, ella va dentant en vigur pir il 1. da schaner 2020.

La UE vul ussa prender ina decisiun da principi. La dumonda è: Basta la decisiun, u sto quella gia esser en vigur? Plirs diplomats da la UE han sincerà ch'i na dettia betg in motiv politic per questas ponderaziuns – sco per exempel in connex cun la cunvegna da basa. I sa tractia plitost da raschuns da procedura.

RR novitads 17:00

Artitgels legids il pli savens