Siglir tar il cuntegn
cuntegn

Svizra Svizra pudess far dapli cunter corrupziun

En il cumbat cunter daners da corrupziun da l'exteriur ha la Svizra fatg progress. Ma ella pudess far anc dapli. Quai è la conclusiun da l’OECD, l’organisaziun per la collavuraziun e svilup economic.

Purtret d'ina persuna che smatga enta maun ad in'autra daners.
Legenda: La Svizra pudess far dapli cunter corrupziun. Colourbox

Dapi l’ultima valitaziun dal 2011 sajan 6 persunas natiralas e 5 persunas giuridicas vegnidas condemnadas pervi da corrupziun. Sin quai possia la Svizra esser loscha. Ma l’OECD crititgescha che l’effect dals chastis e las sancziuns sajan memia pitschnas. En spezial tar persunas giuridicas.

Dapli protecziun per «whistleblowers»

L'OECD deplorescha la protecziun manglusa per «whistleblowers» en il sectur privat. Qua saja necessari ina refurma. Ina regulaziun tar quest tema ha fatg naufragi l'atun 2015.

Il mars 2019 sto la Svizra prender posiziun davart la protecziun da whistleblowers. En spezial tar quels che annunzian cas da suspect da corrupziun tar uffizis publics en l'exteriur.

RR novitads 15:00