Siglir tar il cuntegn

Header

cuntegn

Svizra Svizra prenda si 80 fugitivs da la Libia

Ils fugitivs dovran protecziun speziala e vegnan evacuads da la Libia. La ministra da giustia Simonetta Sommaruga ha orientà il Cussegl federal che ses departament ademplescha uschia ina dumonda da l'UNHCR, l'autcumissariat da fugitivs da las Naziuns Unidas.

I sa tractia d'ina mesira umanitara urgenta ha ditg cussegliera federala Simonetta Sommaruga. L'UNHCR quinta che radund 5'000 persunas che basegnan spezialmain protecziun stoppian vegnir evacuadas ord la Libia pervi da la situaziun precara. Las 80 persunas che la Svizra prenda si duain enfin mez da l'onn 2018 vegnir translocads.

Cundiziuns catastrofalas en Libia

Sco Sommaruga ha fatg endament, vivian bleras persunas en Libia sut cundiziuns inumanas. Dunnas, uffants ed era minorens abiteschian en champs nua ch'i vegnian maltractads, explotads e tractads sco sclavs.

Pli paucas dumondas d'asil

Ils davos mais saja il dumber da las dumondas d'asil da persunas da la Libia ì enavos fitg. Quai haja da far cun la buna collavuraziun tranter ils stadis europeics ed ils stadis nordafricans. Pli paucas persunas vegnian sur la Mar Mediterrana en l'Europa, ha ditg Sommaruga. Uschia sajan blers fugitivs restads fitgads uss en la Libia. La limita en chaussas migraziun pretendia dentant er ina responsabladad da quels stadis, uschia la cussegliera federala.

RR novitads 17:00

Artitgels legids il pli savens