Siglir tar il cuntegn
Inhalt

Svizra Svizra porscha bunas cundiziuns per universitads e scolas autas

Tenor ina rangaziun globala da l'analist QS è la Svizra sin plazza 12 e porscha uschia bunas cundiziuns da basa a las universitads e las scolas autas per porscher ina buna furmaziun.

bajetg da la ETH a Turitg
Legenda: La Scola politecnica federala a Turitg è en la rangaziun globala sin plazza 9. Keystone

A la testa èn ils Stadis Unids, suondads da la Gronda Britannia e da la Germania. Ulteriurs stadis europeics en ils top ten èn la Frantscha sin posiziun 6 e l’Ollanda sin 7. Il plaz da la Svizra en la cumparegliaziun mundiala è surtut d’attribuir a la Scola politecnica federala a Turitg. Lezza è en la rangaziun globala da las scolas autas sin posiziun 9. Cun la China, la Corea dal Sid ed il Giapun èn er trais pajais asiats en ils top 10.

La rangaziun globala mesira d'ina vart las fermezias da las singulas universitads dal pajais. Da l'autra vart vegn er mesirà la probabilitad ch'in student u ina studenta ha da survegnir il plaz en la megliera universitad da ses pajais.

RR novitads 08:00