Responsabel per il resultat negativ da la Banca naziunala svizra (SNB) suenter ils emprims trais mais dal 2018 è cunzunt er la sperdita sin valurs estras da 7,0 milliardas francs. Er sin il possess d'aur ha la SNB tenor atgna communicaziun pers 0,2 milliardas francs pervia da la reducziun da la valita da l'aur actuala.
In plus da 0,5 milliardas francs ha la SNB dumbrà sin las posiziuns dal franc svizzer, quai cunzunt cun il tschains negativs sin il credit da contos da giro.
Nagina surpraisa
Che la banca dumbra totalmain in minus da 6,8 milliardas francs n'è dentant nagina surpraisa. Experts avevan pervia da tschains creschents, il dollar debel ed il svilup da la fiera d'aczias quintà cun cifras cotschnas.
RR novitads 08:00