Siglir tar il cuntegn
Inhalt

Svizra Svizra na contrahescha betg cun l'UE davart Erasmus+

Ils programs da studi Erasmus+ per studegiar en l'exteriur restan per studentase students svizzers in provisori.

Purtret dal bajetg da l'universitad da Turitg.
Legenda: L'universitad da Turitg. Keystone

La Confederaziun quinta che las contractivas per daventar in commember fix dal program d'Erasmus+ vegnan anc a cuzzar pli lung temp, scriva l’agentura da novitads sda. Planisà era da daventar commember fix dal program d’Erasmus+ a partir dal 2018.

L’Uniun europeica aveva abolì il program da barat da studi cun la Svizra il 2014 suenter il gea a l’iniziativa d’immigraziun da massa. Dapi là lavura la Svizra cun schliaziuns provisorias. Uschia pon students svizzers vinavant profitar dal program, dentant be cun paucas universitads. E questas universitads ston far contracts cun mintga scol'auta singul.

Las Universitads en Svizra sco era organisaziuns da students n’èn betg cuntentas cun la soluziun. Il 2015 han 678'000 persunas nizzegià il program da studi Erasmus+ per studegiar en l’exteriur.

RR novitads 15:00