Svizra - Svizra: Na a l'islam sco religiun uffiziala
Tenor in'enquista vulan 61% betg u plitost betg renconuscher l'islam sco religiun eguala al cristianissem u il giudaissem en Svizra. 19% dals dumandads han respundì cun gea e 20% cun plitost gea.
62% èn er dal maini che l'islam n'haja nagin plaz en la Svizra, rapportan las gasettas Schweiz am Sonntag e Le matin dimanche. Vitiers han 80% dals dumandads ditg che valurs cristianas sajan part da l'identitad svizra.
Per l'enquista da Tamedia han ins evaluà 15'617 respostas a moda demografica, geografica e politica. La marscha da sbagl è tar plus/minus 1,2 pertschient.
