Siglir tar il cuntegn

Header

Navigaziun

Pèr che vul maridar.
Legenda: Tgi che vul maridar en Svizra sto almain avair 18 onns. Keystone
cuntegn

Svizra Svizra: Maridaglias illegalas

Spirituals muslims e cristians han ensinà pliras dunnas minorenas l'onn passà en Svizra. Il post per mardiglias sfurzadas sappia da 21 cas scriva la NZZ am Sonntag.

Las dunnas hajan gì tranter 14 e 17 onns. Las dunnas pertutgadas sajan oriundamain da la Siria, da l'Afghanistan, da l'Irac e da l'Eritrea e dal Cosovo.

Tar las maridaglias cristianas èn vegnidas ensinadas giuvnas Roma.

Quellas 21 maridaglias n’èn betg mo nunvalaivlas perquai che las spusas eran memia giuvnas, era cunter il primat da la maridaglia civila è vegnì cuntrafatg.

Era umens pertutgads

La gronda part da maridaglias sfurzadas vegnan dentant exequidas en ils pajais d'origin. Tut en tut saja al post da maridaglias sfurzadas enconuschent 51 cas l'onn 2016: 46 cas eran dunnas e 5 cas eran umens minorens. Per gronda part sajan quai requirtens d’asil sut 16 onns.

La presidenta dal post per maridaglias sfurzadas appellescha a la giustia, perquai che las dunnas sajan vegnidas sfurzadas da maridar.

RR actualitad 11:00