Svizra - Svizra ha il terz spert access mobil a l'internet
La Svizra ha il terz spert access mobil a l'internet da l'entir mund. Sulettamain en il Danemarc ed a Singapur possian ins navigar anc pli spert mobil, rapportan perscrutaders da l'universitad a Helsinki.
Lunsch ora il pli spert va il navigar mobil en il Danemarc cun passa 22 megabits per secunda. En Svizra èn quai var 16 megabits per secunda. Ils perscrutaders survegnan ils resultats d'ina app. Quella è gratuita ed infurmescha l'utilisader con sperta che sia colliaziun è.