Siglir tar il cuntegn

Header

Navigaziun

Ina chadaina d'aur custaivla.
Legenda: Cunzunt ha l'industria da bischutaria pudì exportar dapli il 2014. Keystone
cuntegn

Svizra Svizra ha exportà il 2014 tant sco anc mai

La Svizra ha exportà l’onn passà tant sco anc mai. L’export da rauba è s’augmentà per 3,5% sin 208,3 milliardas francs, quai communitgescha l’Administraziun federala da duana. I saja il 5avel onn en roda che l’export svizzer s’augmentia.

Exportà il pli bler ha la branscha da bischutaria. Là è l’export s’augmentà per 18%. L’industria d’uras noda in plus da 1,9%. L'industria da maschinas ed electronica è perencunter stagnada.

Il surpli da la bilantscha commerziala munta a 30 milliardas francs, quai è medemamain in record.