Il commerzi cun l'exteriur da la Svizra è sa sviluppà era l'october en maniera negativa. Tenor l'Uffizi federal da statistica è el sa diminuì per 4,7%. Cun excepziun da l'industria chemic-farmaceutica èn ils exports sa diminuids en tut ils secturs d'export.
Il svilup è stà spezialmain negativ per l'industria d'uras ed ils exports da maschinas. Ils imports èn sa diminuids damain che durant ils mais precedents, uschia che la bilantscha commerziala ha tuttina registrà in surpli da record da 4,2 milliardas francs.
