Siglir tar il cuntegn
Inhalt

Svizra Svizra exportescha puspè dapli

In onn suenter il schoc dal franc datti indizis ch’ils exports svizzers sa revegnan puspè. En l'emprim quartal da quest onn han firmas svizras exportà rauba en la valita da 51,8 milliardas francs, quai èn 2,4% dapli cumpareglià cun il medem temp da l'onn avant.

Containers che vegnan transportads davent.
Legenda: En l'emprim quartal da quest onn han firmas svizras exportà rauba en la valita da 51,8 milliardas francs. Keystone

Uschia sa confermia il trend positiv che sa mussa dapi il terz quartal dal 2015, communitgescha l’administraziun federala da duana. Sco locomotiva d’export sa mussa danovamain l’industria da farmazia, ch’ha pudì augmentar ses exports per 11% sin 19,4 milliardas francs, quai malgrà che la quantitad d’export è strusch s’augmentada.

Sa sviluppads negativs èn perencunter ils exports d’uras, qua è la svieuta sa reducida per 9%. Laschar plimas ha er l’industria da maschinas ed electrotecnica cun in minus da 2%.

Imports èn ids enavos

Ils imports da l’autra vart èn sa reducids per 1,1%. Dal schaner fin il mars ha la Svizra importà rauba en la valita da 42,1 milliardas francs. La raschun per quest svilup negativ è tranter auter il minus tar la funtauna d’energia ch’è crudada ensemen per 1/3 pervi dals pretschs bass.

RR novitads 12:00