Siglir tar il cuntegn

Header

cuntegn

Svizra Svizra ed Austria cun collavuraziun aviatica

En l’avegnir pudessan la Svizra e l’Austria survegliar ensemen lur spazi d’aria. Da questa pussaivladad han discurrì il minister da la defensiun Guy Parmelin e ses collega d’uffizi austriac Peter Doskozil. Quai pertutgass era il WEF a Tavau.

Ils dus ministers han decidì da furmar ina delegaziun per tractativas. Quella vegnia ad examinar la collavuraziun per la segirada dal spazi d’aria e sche necessari meglierar ella. Quai ha ditg il schef da communicaziun dal Departament federal da defensiun VBS a l’agentura da novitads sda.

Proteger meglier il WEF

En ina cunvegna bilaterala vulan Parmelin e Doskozil tranter auter sclerir la dumonda da collavurar pli intensiv durant il Forum economic mundial a Tavau. Ed i sa tractia era d’eliminar dischavantatgs, ha ditg il minister austriac a schurnalists. Qua sa tracti da problems che pon sa dar cun vulair persequitar aviuns sur ils cunfins ora.

RR novitads 15:00

Artitgels legids il pli savens