Siglir tar il cuntegn

Header

cuntegn

Svizra Svizra duai extrader funcziunaris da la FIFA

Ils Stadis Unids han dumandà la Svizra d’extrader ils 7 funcziunaris da la FIFA ch'èn vegnids arrestads la fin da matg a Turitg. Las dumondas formalas èn arrivadas la mesemna saira tar l'Uffizi federal per giustia.

Ils funcziunaris duain uss vegnids tadlads da la polizia davart las dumondas d’extradiziun. Silsuenter vegnia il ministeri da giustia aifer intginas emnas a decider davart in’extradiziun.

Corrupziun involva passa 100 milliuns dollars

Als funcziunaris vegn rinfatschà d'avair incassà daners da corrupziun da passa 100 milliuns dollars per surdar ils dretgs da medias, da commerzialisaziun e da sponsurs dals turniers da ballape en ils Stadis Unids ed en l'America Latina.

Ils crims eran vegnids preparads en ils Stadis Unids. Latiers sajan ils pajaments succedids sur bancas americanas.

RR novitads 11:00

Artitgels legids il pli savens