Siglir tar il cuntegn
cuntegn

Svizra Svizra duai daventar fita per l’avegnir digital

L'entira Svizra duai profitar da la digitalisaziun, dal singul abitant fin l'economia. Perquai ha il Cussegl federal instradà la strategia «Svizra digitala».

Ina persuna che legia insatge vid in i pad.
Legenda: L'idea da la strategia è che las abitantas ed ils abitants en Svizra pon nizzegiar las tecnologias modernas d'infurmaziun e communicaziun. Keystone

En il dialog cun l'economia, la scienzia, la perscrutaziun e la societad civila duai la strategia sa sviluppar in cuntin. L'idea da la strategia è che las abitantas ed ils abitants en Svizra pon nizzegiar las tecnologias modernas d'infurmaziun e communicaziun, quai a moda cumpetenta e segira. Perquai saja necessaria ina politica da datas persvadenta, scriva il Cussegl federal.

Er l'economia duai profitar

Profitar na duai betg mo la persuna singula mabain er l’economia. Quella duai pudair sa sviluppar uschè liber sco pussaivel en il spazi digital.

Il departament federal per economia, furmaziun e perscrutaziun analisescha las consequenzas da la digitalisaziun per l’economia e sclerescha las cundiziuns da basa necessarias. Latiers vai surtut per il dretg da concurrenza, dumondas da regulaziun e l’effect sin il martgà da lavur.

RR novitads 15:00