Il Cussegl federal ha decis la revisiun parziala da la lescha da posta. Da nov duai l'Uffizi federal da communicaziun pudair dar a la PostFinance instrucziuns liantas, sche il provediment da basa en traffic da pajaments vegn violà.
Fin uss aveva l'uffizi federal sulet la pussaivladad da dumandar la PostFinance per infurmaziuns.
Dapli protecziun da consuments
Era vul il Cussegl federal rinforzar la protecziun da consuments, uschia pon era retschaviders da pachets ir tar in post da mediaziun, fin uss pudevan be ils spediturs far quai. Ils servetsch dal post da mediaziun duai esser gratuit, ha il Cussegl federal annunzià.
