Siglir tar il cuntegn

Header

cuntegn

Svizra Cussegl federal duai proclamar la mancanza d’energia

Il president da la Conferenza dals directurs chantunals d’energia Roberto Schmidt pretenda dal Cussegl federal da proclamar la mancanza d'energia, quai ha el ditg en l’intervista cun las gasettas da Tamedia.

Mo uschia possian mesiras da spargn – che fetschian betg uschè mal – vegnir ordinadas preventivamain. Per exempel pudessan tut las illuminaziuns en las vitrinas vegnir stizzadas per immediat, uschia Schmidt.

um
Legenda: Il president da la Conferenza dals directurs chantunals d’energia Roberto Schmidt pretenda dal Cussegl federal dad agir immediat. Keystone

Senza la proclamaziun da mancanza d’energia manchian als chantuns ed a la Confederaziun la cumpetenza da prender talas mesiras. En ses egls manchia er in cler plan da crisa da la Confederaziun per cas che la forza electrica mancass. Tar il gas dettia sbozs d’ordinaziuns, tar l’electricitad «da bler pli cumplexa» dentant betg. I sa tractia da la dumonda tge che vegnia stritgà sco emprim e co ch’i vegnia mantegnida l’infrastructura pli impurtanta.

«Auter che corona è quai ina crisa planisabla. Nus stuain perquai planisar quai – ussa.», di Schmidt. El è s’exprimì per in stab da crisa sin stgalim naziunal che cumpiglia plirs departaments. Quest stab stoppia collavurar stretg cun ils chantuns.

RTR novitads 06:00

Artitgels legids il pli savens

Scrollar a sanestra Scrollar a dretga