Siglir tar il cuntegn
cuntegn

Svizra Svizra cumbatta pli fitg viadis cun intent terroristic

Il Cussegl federal vul cumbatter pli rigurus viadis cun intent terroristic. El ha approvà il protocol supplementar da la convenziun dal cussegl d'Europa per prevegnir al terrorissem.

chasa federala da surengiu
Legenda: La Svizra vegn a ratifitgar il protocol supplementar per cumbatter pli fitg viadis cun motivaziun terroristica. Keystone

Quest protocol chastia persunas che fan viadis cun intent terroristic u che sustegnan u finanzieschan acziuns terroristicas. La Svizra vegnia a suttascriver il protocol sco in dals emprims stadis a Riga, scriva il departament federal da giustia.

En Svizra èn activitads terroristicas e lur preparaziun gia oz chastiablas. Vitiers èn scumandadas gruppaziuns terroristicas sco «Al-Kaida» u «Stadi Islamic».

RR novitads 12:00