Il concern da tecnologia svizzer ABB ha pudì augmentar ses gudogn l'onn passà. Malgrà in flaivel quart quartal è il gudogn creschì per 17% sin 1,9 milliardas dollars. La svieuta saja creschida per 1% sin radund 34 milliardas, communitgescha ABB.
Pervia da custs supplementars per la restructuraziun è il gudogn sa sminuì l'ultim quartal per 8%. Las cifras positivas attribuescha il concern svizzer surtut als gudogns ch'èn vegnids fatgs cun vender tschertas spartas.
RR novitads 08:00