Siglir tar il cuntegn
Inhalt

Svizra Suva spargna milliuns entras controlla

La Suva ha prendì sut la marella quints staziunars dals ospitals: Il 2016 ha la Suva uschia savì refusar bunamain 4500 quints perquai che quels cuntegnevan prestaziuns che l'assicuranza d'accidents na sto betg surpigliar. Tras quai ha la Suva spargnà 19 milliuns francs.

Logo da la Suva.
Legenda: La Suva spargna milliuns francs grazia a la controlla da quints. Keystone

Tenor la Suva, l'institut svizzer da las assicuranzas d'accidents pudessi esser che la Suva spargna quest'onn schizunt 21 milliuns francs: La Suva ha gia controllà pli che 45'000 quints staziunars e 10% da quels ha l'institut refusà perquai ch'els cuntegnevan prestaziuns betg includidas.

Las raschuns principalas per refusar ils quints èn:

  • Quints memia auts perquai ch'ils ospitals codeschan per sbagl era ina diagnosa secundara che n'ha betg chaschunà custs.
  • La Suva retschaiva il medem quint duas giadas.
  • Quints che cuntegnan prestaziuns che na stattan betg en connex cun il cas annunzià.

Sustegn da persunas cun experientscha da codar

Questa scuverta ed il fatg che la controlla vegn pli pretensiusa cun il nov sistem da tariffa ha motivà la Suva da sa focussar pli fitg sin ils quints staziunars. I dettia adina puspè cas cumplitgads ch'ins sappia betg giuditgar senza experientscha da codar.

RR novitads 11:00