Siglir tar il cuntegn

Header

cuntegn

Suva Marcantamain dapli accidents sin pista il 2019

Video
Noss temp liber è privlus – Ils blers accidents capitan en il temp liber
Or da Telesguard dals 12.02.2020.
laschar ir

La Suva ha constatà l'onn passà marcantamain dapli accidents sin pista, scriva ella en ina communicaziun. In enviern cun blera naiv e bell'aura ed uschia blera glieud sin pista – quai sajan ils motivs per l'augment marcant.

En total 14'870 accidents èn vegnids annunziads a la Suva. Quai èn prest 7% dapli che l'enviern avant. Ils pli blers accidents hai dà durant las differentas vacanzas da sport, il favrer.

App per prevegnir ad accidents

La Suva ha lantschà quest enviern ina nova app. Quella duai gidar d'analisar la moda e maniera, co ch'ins va sin pista e lura po quella cussegliar ad ins, tge parts dal corp ch'ins duai trenar per prevegnir ad accidents.

Ils pli blers accidents capitan en il temp liber

Prest dubel uschè blers accidents, radund 27'000 datti cun giugar a ballape, 23'000 cun viandar e cun velo hai dà l'onn passà 18'000 accidents. Ils pli blers accidents capitan tenor la Suva en il temp liber. Passa 100'000 dapli che durant la lavur. En tut hai dà il 2019 radund 480'000 accidents, er quai è in lev augment en cumparegliaziun cun l'onn avant.

RTR novitads 12:00

Artitgels legì il pli savens

Nach links scrollen Nach rechts scrollen