Siglir tar il cuntegn
cuntegn

Svizra Sustegn per la producziun d’energia indigena

Il Cussegl dals chantuns vul sustegnair la producziun da forza indigena per pudair mantegnair quella era a lunga vista. Cun 39 cunter 5 vuschs ha il Cussegl dals chantuns acceptà ina moziun correspundenta.

In mir da serra.
Legenda: Il Cussegl dals chantuns sustegn ina moziun per promover las energias indigenas. Keystone

Sustegnair la producziun d’energia indigena, ma senza l’energia atomara. Il pledader da la cumissiun Werner Luginbühl (PBD/BE) ha fatg attent che cura che las ovras atomaras vegnan messas giu alura croda davent ina gronda part da l’energia. Il mument ch’ils pretschs per current electric è bass pudessan era las ovras idraulicas perder il sustegn finanzial.

Cussegl federal cunter la moziun

Il Cussegl federal refusa la moziun. La moziun obligheschia d’agir nua ch’i na dettia il mument nagins problems. Era sajan ins gia londervi d’elavurar ina revisiun da la lescha davart il provediment d’electricitad. Quella vegnia anc quest onn tramessa en consultaziun parlamentara. Uss ha il Cussegl naziunal da tractar la moziun.

RR novitads 18:00