Siglir tar il cuntegn
Inhalt

Svizra Sustegn per Cassis da vart nunspetgada

Cusseglier federal Ignazio Cassis survegn sustegn per sia proposta da midar las mesiras accumpagnantas cun l’Uniun europeica. Fin uss era quai ina lingia cotschna en las contractivas. Ussa survegn el sustegn nunspetgà.

Elisabeth Schneider-Schneiter sesa en il parlament federal.
Legenda: Elisabeth Schneider-Schneiter sustegna l'idea dal cusseglier federal Ignazio Cassis. Keystone

Al radio SRF ha la presidenta da la cumissiun per ils affars exteriurs en il cussegl naziunal, Elisabeth Schneider-Schneiter PCD, ditg che la Svizra stoppia restar averta.

Forsa datti ina pussaivladad da cuntanscher ensemen cun l'UE finamiras ch'èn meglras per nus tuts.
Autur: Elisabeth Schneider-SchneiterPresidenta da la cumissiun per la politica exteriura

Las mesiras flancantas sajan impurtantas per la Svizra e valian la paina da mantegnair, uschia ha ditg Schneider-Schneiter. Era l’UE haja da schliar ils medems problems cun pajas da dumping uschia ch’in cumpromiss saja pussaivel.

La presidenta da la cumissiun per la politica exteriura stat cun ses pleds dentant en cuntrast cun la tenuta uffiziala da la Svizra.

RR novitads 10:00