Siglir tar il cuntegn

Header

cuntegn

Svizra Sursiglir la reclama en la televisiun duai vegnir limità

La cuminanza d'interess radio e televisiun IRF pretenda da restrenscher il sursiglir la reclama cura ch'ins guarda televisiun a moda spustada. En la Svizra tudestga e franzosa vegn uschia guardà radund 59% damain reclama che durant guardar directamain televisiun, uschia planscha la IRF.

Tgi è l'IRF?

Avrir la box Serrar la box

En la cuminanza d'interess Radio e Televisiun (IRF) fan part l'SRG, ils emetturs privats tudestgs (p.ex. RTL, Pro7, Sat1, 3Plus Group), AZ Medien TV ed ils emetturs da televisiun privats regiunals e locals da la Svizra.

Uschia hajan ils emetturs da televisiun pers l'onn passà 67 milliuns francs da la svieuta da reclama. Il 2014 è quai stà 45 milliuns francs e per il 2017 quinta la cuminanza d'interess da perder radund 123 milliuns francs.

L'IRF pretenda perquai in'indemnisaziun pli auta da las firmas sco Swisscom e UPC che porschan la pussaivladad da sursiglir reclama da televisiun.

10 raps dapli

La Svizra è l'unic pajais nua ch'ils gestiunaders d'ina rait da cabel e plattafurmas da televisiun pon cumprar per in pretsch regulà ils dretgs d'autur per ils servetschs d'archivar. La tariffa valaivla fin la fin dal 2016 munta ad 1.50 fr. per mais e client sch'ils distribuiders da televisiun possibliteschan da guardar libramain las emissiuns durant 7 dis. Per l'auter onn è previs in auzament da 10 raps per mais e client. L'IRF pretenda perquai da restrenscher u da parzialmain insumma da sclauder la pussaivladad da sursiglir la reclama.

RR novitads 11:00

Artitgels legids il pli savens