Siglir tar il cuntegn
cuntegn

Svizra Surlevtg per Clinton fa surlevtg a la bursa – SMI plus 1,87%

La bursa svizra ha cumenzà l'emna cun gronds gudogns (SMI plus 1.87%) - tenor analists pervi che l’image da la candidata democrata Hillary Clinton è puspè sa revegnì.

Fatschada da la bursa.
Legenda: Actualmain levgiada - la bursa da Turitg. Keystone

Commerziants han argumentà quai cun il svilup en il cumbat electoral american. La novitad, che la candidata democrata Hillary Clinton na saja tenor la polizia federala FBI betg sa depurtada a moda criminala e ch'ella è en las retschertgas puspè cleramain avant Donald Trump, haja tenor ils analists laschà respirar pli lev las bursas sin l'entir mund.

Blers investiders teman grondas malsegirtads a las fieras da finanzas en il cas che Trump daventass president. Las bursas asiaticas han cumenzà il di dad oz pli precautamain.

RR novitads 07:00