Siglir tar il cuntegn

Header

cuntegn

Svizra Surfar fin 100 giadas pli spert mobile

Sin la rait mobile duain bler dapli datas cursar en l'avegnir. Il Cussegl federal ha decidì d'assegnar capacitads supplementaras a la rait da telefons mobils. Uschia ha'l fulà via per l'introducziun dal nov standard 5G.

Il Cussegl federal ha decidì da dar liber tschertas frequenzas (tranter 694 e 790 MHz) era per raits da telefonins e lur applicaziuns. Frequenzas ch'eran fin ussa reservadas exclusiv per la radiodifusiun. Ulteriuras frequenzas (tranter 1,4 e 3,5 GHz) vegnan anc dadas liber per telefonia e traffic da datas mobil.

L'onn che vegn duai la Cumissiun federala per la communicaziun ComCom metter a disposiziun las novas frequenzas als concern da telecommunicaziun. Uschia è la via fullada per il nov standard per il func mobil 5G.

Co las frequenzas vegnan surdadas n'è betg anc cler

Co las frequenzas vegnan surdadas, n'è betg anc cler. Tenor l'Uffizi federal per communicaziun saja imaginabel tant ina concurrenza cun criteris sco era in'aucziun. Sch'i dettia memia paucs interessents, lura pudess l'uffizi era attribuir la frequenzas.

Cun la revisiun dal plan da frequenzas naziunal ha il Cussegl federal era fatg liber frequenzas per survegliar cun radar privels da la natira en las Alps.

RR novitads 16:00

Artitgels legids il pli savens