Siglir tar il cuntegn
Inhalt

Svizra Sur 1'000 meters èsi vegnì alv

Ina cuverta da naiv satiglia ha spetgà en bleras regiuns da la Svizra sur 1'000 meters. Plirs pass svizzers èn pervi da la naiv crudada serrads il mument.

Tabla adatg naiv sin via.
Legenda: MeteoNews cusseglia pneus d'enviern per viadis en muntognas. Keystone

Sin in'autezza da 1'500 meters annunzia il servetsch MeteoNews tranter 10 e 15 centimeters naiv. E fin damaun mardi vegni spetgà anc ina giada tant. Silsuenter duai l’aura vegnir pli chauda.

Recumandà vegnan pneus d’enviern

Per viadis sur pass e viadis en muntogna cusseglian ils meteorologs da MeteoNews pneus d’enviern.

  • Pervi da la naiv èn plirs pass svizzers pli auts serrads il mument per motivs da segirtad, uschia il Flüela, il Gottard, il Susten ed il Furca.
  • Cuvertas cun naiv èn las vias sur ils pass da l'Alpsu, dal Lucmagn, dal Güglia e dal Albula.
  • Naiv hai era sin las vias sur il Fuorn, il Bernina, l'Umbrail, la Forcola di Livigno ed il Wolfgang.
  • Plinavant hai naiv da Mustér en Val Medel ed en Tujetsch.
  • Il pass dal Simplon è pervia da la naiv serrà per camiuns cun chars annexs.

RR novitads 09:00