Siglir tar il cuntegn

Svizra Supplement per premias da cassa da malsauns

L'onn che vegn ston ils assicurads en 11 chantuns danovamain pajar in supplement tar las premias da las cassas da malsauns. Quai per gulivar la proporziun tar ils chantuns ch'han pajà premias memia autas ils ultims onn.

Diversas chartinas da cassas da malsauns.
Legenda: Il supplement vegn er incassà ad assicurads che survegnan ina reducziun da las premias. Keystone

Tenor l'Uffizi federal da sanadad munta la contribuziun per l'assicurà maximalmain a 48 francs. Questa summa ston ils assicurads pajar en ils chantuns BE, UR, OW, NW, GL, SO, BL, SH, AR e JU. Sulet en il chantun Lucerna èn da pajar in supplement pli bass da 18 francs.

Cunquai pon radund 800 milliuns francs vegnir repartids sin ils chantuns ch'han pajà premias memia autas. Tar quels tutga er il Grischun La reducziun da las premias per quests chantuns vegn publitgada il favrer 2016.

RR novitads 11:30