Siglir tar il cuntegn

Svizra Sunstar: Ina stagiun da stad splenduranta

La gruppa d'hotels Sunstar, ch'è fitg presenta en il Grischun, ha la stad 2017 fatg tant gudogn sco dapi il 2008 betg pli. Ed er il cumenzament da la stagiun d'enviern fa plaschair.

Logo Sunstar.
Legenda: D'engraziar è il bun resultat cunzunt er a giasts asiatics. Keystone

Ina sperdita durant il temp da stad è usitada en la branscha: Quest onn è la sperdita tar la gruppa da hotels Sunstar dentant sa sminuida dad 1,1 milliuns sin 0,7 milliuns francs. Uschia è la stad 2017 stada la meglra stad dapi il 2018 per la gruppa d'hotels ch'è er fitg preschenta en il Grischun. La svieuta è s'augmenta dasper 5,1% per 22,9 milliuns francs durant ils mais da stad.

Responsabels per il bun resultat da fatschenta èn cunzunt giasts asiatics. Uschia han ils hotels da Sunstar da alloschi a 60% dapli giasts da l'Asia. Quai senza giasts dal Giapun, la China ed ils Stadis da Golf. Dentant hajan er 14% dapli giasts germans e 10% dapli Brits chattà la via en Svizra. I paria ch'il trend da sminuziun da giasts europeic saja a fin, manaja la gruppa d'hotels.

Buna finiziun da la davosa e bun cumenzament da la nova

Er la stagiun d’enviern entschet bain: Grazia a bunas cundiziuns da naiv e da l’aura sajan hajan ins puspè pudì carmalar dapli giasts en las regiuns da muntognas, uschia Sunstar.

Tar la gruppa da Sunstar tutgan 11 hotels da quatter stailas. Tranter auter a Tavau, Claustra, Lai e Flem. en tut dumbra la Sunstar 1'800 letgs.

RR novitads 20:00