Siglir tar il cuntegn

Header

cuntegn

Sunrise Ils dis da la telefonia mobila da 2G van a fin

Sunrise maina la tecnologia da telefonia mobila da la segunda generaziun mo pli fin la fin dal 2022 e la smetta suenter, sco il segund grond concern da telecommunicaziun da la Svizra ha annunzià la mesemna.

La Swisscom aveva serrà sia rait da 2G gia la primavaira 2021. «Nus avain concepì la midada sin ina generaziun da telefonia mobila moderna pli flexibla, a favur da nossas clientas», ha declerà il schef da Sunrise André Krause mesemna en ina communicaziun. Colliaziuns da 2G na dovria ozendi però praticamain nagin pli – da la stritgada sajan mo singuls clients pertutgads.

La substituziun da standards da telefonia mobila vegls tras tecnologias novas ed effizientas saja ina part dals svilups usitads, ha Sunrise declerà vinavant. I na dat praticamain nagins telefonins pli che curran be cun 2G. Il standard da 3G che n'è medemamain betg pli actual, planisescha Sunrise da stritgar ils proxims 3 fin 4 onns, hai gì num. La Swisscom vul manar il 3G anc fin la fin da l’onn 2025.

audio
Per tadlar: Las novitads da las 14:00
ord RTR Audio dals 03.08.2022.
laschar ir. Durada: 3 minutas 23 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga