Siglir tar il cuntegn

Header

Navigaziun

Ina dunna sin ina stgala sper il logo dal concern.
Legenda: L’onn 2016 han lavurà 14’005 collavuraturas e collavuraturs (2015: 14’253) per Sulzer. Keystone
cuntegn

Svizra Sulzer ha fat il 2016 damain gudogn e svieuta

Il gudogn dal concern d’industria svizzer è sa reducì per 20,2% sin 59 milliuns francs. La svieuta nominala è sa reducida per 3,2% sin 2,895 milliardas francs cumpareglià cun 2,971 milliardas francs l'onn il 2015.

Grazia al program da respargn Sulzer Full Potential-Programm haja Sulzer pudì spargnar 88 milliuns francs e diminuir per part la situaziun d’affar pretensiusa, scriv ail concern en sia communicaziun a las medias. Il cussegl administrativ vegn a proponer a la radunanza generala ils 6 avrigl da restar tar la dividenda da 3.50 francs.

Portrait Poux-Guillaume.
Legenda: Keystone
Nus essan sa battids bain en in onn difficil. Tut en tut avain nus surpassà nossas prognosas per tut ils secturs da prestaziun impurtants – ed avain tegnì en uschia nossa empermischuns.
Autur: Greg Poux-GuillaumeCEO Sulzer

L’onn 2016 èn idas enavos las entradas dad incumbensas. Quai tenor la communicaziun dal concern en emprima lingia pervi dal martgà da petroli e gas. Malgrà ch’il pretsch dad ieli è sa revegnì durant l’onn sbassia la branscha anc adina custs e spostia investiziuns. Perquai cumprian ils concerns da petroli e da gas damain pumpas, argumentescha Sulzer.

Per l’onn current quinta Sulzer puspè cun dapli entradas d'incumbensas.

RR novitads 09:00