Siglir tar il cuntegn

Header

Navigaziun

Binia Feltscher cun la medaglia dad aur, davostiers il crap da Flem
Legenda: Binia Feltscher giauda uss il temp cun la famiglia e la medaglia dad aur a chasa a Flem. RTR, U. Lechmann
cuntegn

Svizra Suenter sa legrar e festivar - uss giudair e ruassar

Dapi la notg sin glindesdi astgan Binia Feltscher e sias collegas d’equipa sa numnar per la segunda giada suenter il 2014 campiunessas mundialas. Oz èn ellas turnadas dal Canada ed èn sa tschentadas la damaun a las 8 a Kloten.

Sin la plazza aviatica èn las giugadras dal club da curling Flem vegnidas beneventadas da famiglias e fans. Il skip Binia Feltscher da Flem ha en spezial sa legrà da vesair sia famiglia cun ils 2 uffants. Ensemen han els fatg il viadi vers chasa.

Jau sun gugent ad in turnier da curling, sun dentant era gugent a chasa cun ils uffants. Sin quai temp ma legrel jau uss.
Autur: Binia Feltschercampiunessa mundiala da curling

Suenter in temp fitg intensiv sa legra la mamma da 37 onns da sa revegnir e da lura giudair il temp cun la famiglia ed il ruaus.

Igl è gia la segunda giada che Binia Feltscher e sias collegas d’equipa Irene Schori, Franziska Kaufmann e Christine Urech turnan dal Canada sco campiunessas mundialas. Igl onn 2014 avevan ellas gudagnà a Saint John il titel da campiunessas mundialas.