Siglir tar il cuntegn

Header

Navigaziun

Purtret da Peter Hegglin.
Legenda: Peter Hegglin vul colliar la vegliadetgna da renta cun l'aspectativa da vita. Keystone
cuntegn

Svizra Suenter la refurma è avant la refurma

Il gie a la refurma da rentas e sias consequenzas fatschentan las gasettas da la dumengia. Politichers burgais patratgian para gia vid in proxim pass, surtut areguard la vegliadetgna da renta.

L'NZZ rapporta che politichers da la PCD, PBD e la partida verd-liberala hajan gia en mira la proxima refurma e cun quella la vegliadetgna cura ir en pensiun. La discussiun per auzar la vegliadetgna per ir en renta saja necessaria. Uschia fa il cusseglier dals chantuns da la PCD Zug,Peter Hegglin la dumonda sche la vegliadetgna d'ir en pensiun na duai betg esser dependenta da l'aspectativa da vita.

Plinavant dovria ina nettegiada da l'AVS damai che quella paja anc prestaziuns che na sajan pli necessarias. Las rentas per vaivas e d'orfens sajan da reponderar. Da ponderar quai pretenda il president da las cassas da cumpensaziun svizras, Andreas Dummermuth tenor la «Ostschweiz am Sonntag».

RR novitads 11:00