Siglir tar il cuntegn

Header

Navigaziun

Ina persuna che tippescha sin ina tastaura.
Legenda: Radund 50'000 emploiadas ed emploiads èn comembers en las 29 secziuns da la societad svizra. Keystone
cuntegn

Svizra Suenter la crisa puspè dapli raps – runda da paja 2018 lantschada

La societad svizra d’emploiadas ed emploiads da commerzi KFMV lantscha la runda da paja 2018: Per ses radund 50’000 commembers pretenda ella in augment da paja tranter 0,75 e 1,5%. Quai scriva l’agentura da novitads svizra.

La societad svizra d’emploiadas KFMV argumentescha, che las pli bleras branschas sajan puspè sa revegnidas e sa sviluppian positivamain. Uss duajan pudair profitar er ils collavuraturs e las collavuraturas, scriva la societad en ina communicaziun a las medias.

KFMV: «Las stentas dals collavuraturs duajan vegnir remuneradas»

Perquai saja giustifitgà da pretender en tut las branschas in augment da paja d'almain 0,75% – en singuls cas schizunt enfin 1,5%. Las interpresas svizras hajan pudì mussar ch’ellas sajan robustas e cumpetitivas. Quai saja per gronda part dad engraziar a l'engaschi dals collavuraturs, argumentescha la societad. Plinavant sajan era ils custs da vita creschids ils ultims onns.

RR novitads 11:00

La KFMV è...

... en rumantsch la Societad svizra d’emploiadas ed emploiads da commerzi. Tenor sia pagina en la rait è ella l’organisaziun professiunala la pli gronda per emploiadas ed emploiads en il sectur. Ina da sias 29 secziuns è er en la regiun da la Svizra Sidorientala cun secretariat a Cuira.