Siglir tar il cuntegn

Header

cuntegn

Suenter incendi Chasa d'art a Turitg resta per part serrada

Enturn las 22:00 mardi saira ha il salvament da Turitg survegnì l'alarm ch'i ardia en la Chasa d'art a Turitg. Ils pumpiers han mobilisà in grond dumber da persunas.

Il fieu saja rut or en la stanza da pachetadi, directamain dasper il lieu da furniziun, ha declerà Björn Quellenberg, manader da communicaziun e marketing da la Chasa d'art a Turitg. Ins haja pudì stizzar svelt l'incendi. I vegnia dentant anc adina cumbattì encunter il fim che saja sa sviluppà en l'edifizi. Persunas na sajan betg sa blessadas, uschia Quellenberg vinavant.

Ina part da la Chasa d'art a Turitg resta serrada per il mument. Las lavurs da sanaziun pudessan durar intginas emnas, scriva la Chasa d'art en ina communicaziun.

Persunas n'eran betg vegnidas blessadas e donns vi dad objects d'art n'hai er betg dà. Pertge ch'il fieu è rut or en la stanza da pachetar n'è anc betg cler. Vi dal nov bajetg da l'architect Chipperfield n'haja dà nagins donns. Quel resta uschia er avert, annunzia la chasa d'art.




Or da l'archiv:

Il 2016, curt avant l'avertura dal nov Museum d'art dal Grischun hai ars pervi da lavurs cun in brischader da gas.

video
Co vai vinavant suenter l'incendi al museum d'art?
Or da Telesguard dals 23.03.2016.
laschar ir. Durada: 2 minutas 13 Secundas.

RTR novitads 06:00

Artitgels legids il pli savens

Scrollar a sanestra Scrollar a dretga