Gia ussa, suenter l'emprima mesadad da la Fête des Vignerons, annunzian ils organisaturs suenter 15 dis in record da visitaders. Els hajan dumbrà 600'000 persunas. E sulet il prim d’avust hajan passa 100’000 visitaders e visitadras fatg il viadi a Vevey. La festa haja era procura internaziunal per lingias grossas.
Per las ulteriuras represchentaziuns da la show èn anc 35'000 bigliets en vendita. Ils organisaturs da la Fête des Vignerons speran dentant d'er anc vegnir davent cun quels.
Mintga di sa preschenta in chantun
Per l'emprima giada han tut ils chantuns da la Svizra in di che tutga be ad els a la Fête des Vignerons. Els preschentan mintgamai lur ierta culturala. Il di chantunal han fin uss gì ils chantuns Genevra, Friburg, Son Gagl, Grischun, Vallais, Tessin, Svizra Centrala, Basilea, Glaruna, Giura e Berna. I suondan anc ils chantuns Schaffusa, Soloturn, Turitg, Turgovia, Argovia, Appenzell, Neuschatel e Vad.
RR novitads 18:00
